Катонның жолдары нашар емес, бірақ жыл мезгілі мен ауа-райына байланысты түрлі өзгерістер әкелуі мүмкін.

Бұл жерде автобан жоқ екеніне дайын болыңыз және жылдамдықты сақтау бұл аймақта қауіпсіз қозғалыстың кепілі болып табылады.

Ауылдық жерлердің жолдарындағы қауіпті жағдай ол- байланбаған мал. Әсіресе түнде келеңсіз жағдайларды болдырмау үшін жолда барынша сақ болып, ешқайда асықпау ұсынылады. Ал түнде шұғыл қажеттілік болмаса, жол жүруден толық бас тартқан дұрыс.

Катонда жол бойындағы дүкендер мен жанармай құю станциялары қызметтері, ауылдың қашықтығына байланысты дамымағандықтан өте аз деуге болады.

Бағыт бойынша дәмханалар мен мейрамханалар өте аз және ауылдың өзінде тек қана бірнеше сенімді тамақтану орындары бар.

Картада «ҚАЛАЙ ЖЕТУ КЕРЕК» бөлімінде - біз маршрут бойындағы ең сенімді нүктелерді белгіледік: жанармай құю станциялары, қорларды толтыру дүкендері, техникалық қызмет көрсету станциялары - шина орнату, дәріхана және т.б.

Бұл аймақта CBT мәдениеті – Қоғамдық негіздегі туризм немесе әрқайсысы өзінше бірегей, қызықты және түпнұсқа болып табылатын «қонақүйлер» мәдениеті белсенді түрде дамып келеді. Қонақ үйде түнеу - бұл көбірек білуге, жергілікті әдет-ғұрыптарды сезінуге, жергілікті тұрғындардан өлке жайлы аңыздар мен дәстүрлерді тыңдауға мүмкіндік береді.

Кейбір қонақ үйлерде ыйғайлы жағдай жасалған- заманауи жуынатын бөлмелер мен душтар бар. Бірақ Катон ауылдық жер болғандықтан,монша және «дала дәретханасы» көбірек таралған.

Қол жетімді тұру нұсқаларын мына жерден қараңыз

Ауылдық жерлерге барған кезде қолма-қол ақшаның жеткілікті мөлшері БОЛУЫ ҚАЖЕТ.

Ауылда жұмыс істеп тұрған екі банкоматтың болуына қарамастан (олардың бірі«Қазпошта»ғимаратында, екіншісі орталық алаңда,әкімдік ғимаратында орналасқан.) оларда ақша болмауы да мүмкін. Банк карталары мен төлем қазіргі уақытта тек басты көше – Абай көшесіндегі супермаркетте жүзеге асырылады. Барлық басқа нысандарда тек қана қолма-қол есеп айырысу жүреді.